“Eurovision” 2009 musiqi müsabiqəsində Türkiyəni təmsil edən Hadisə menecerindən ayrılıb. Menecer Süheyl Atay müğənni ilə işləməkdən imtina edib.
“Eurovision” musiqi yarışması müddətində verilən şərtlər və tənqidlər üzündən bundan sonra Hadisənin menecerliyini etməyəcəm”, - deyən S.Atay bildirib ki, bu müddətdə Türkiyədə bənzəri olmayan məşqlər keçirilib və bütün bunlar daxili maliyə vəsaiti hesabına həyata keçirilib.
“Bu müddətdə bizə təklif olunan 120 konsertdən imtina etdik. Yüksək səviyyədə ölkəsini təmsil edərək 4-cü olmasına baxmayaraq, gənc sənətçini komandası ilə birgə tərk edirəm”, - deyə menecer bildirib.