  Bu qələbəyə görə kimlərə borclusunuz?
Aysel: - Bizim komandamız çox böyük idi. İsveç xoreoqrafları, vokal müəllimləri, bizim paltarlarımızı hazırlayan insanlara borcluyuq. Gənclər və İdman Nazirliyi, İctimai Televiziya, Zəhra Bədəlbəyli, Ukraynanı "Avroviziya"da təmsil edən Ruslananın PİAR kampaniyasına borcluyuq. Bizim komanda builki "Avroviziya"da ən güclü komandalardan biri idi. - Sualımız Araşadır. Bu müsabiqəyə Ayseldən başqa digər ölkənin nümayəndəsi ilə getsəydin, bu nəticəni əldə edə bilərdinmi? Araş: -Yalngz Aysellə. Biz Aysellə hər zaman müsbət enerji bəxş etməyə çalışırıq. Əslində, azərbaycanlıların ən ümdə xüsusiyyəti elə işıq saçmaq və hamıya pozitiv enerji verməkdir. -Azərbaycan bu müsabiqədə Araş və Aysellə təmsil olundu. Azərbaycana aid vidoezarxda Cənubi Azərbaycandakı qalaların görüntüləri nümayiş olundu. Erməni mətbuatı bu faktı İranın diqqətinə çatdıraraq növbəti siyasi təxribat yaratmaq istədi. Bu məsələyə Araşın münasibətini bilmək istərdik. Araş: -Azərbaycan mənim ürəyimdir və mən fəxr edirəm ki, bu ölkəni təmsil etmişəm. Amma həm İran, həm də Azərbaycan mənim vətənimdir. -Ermənistandan aldığımız 1 balı necə dəyərləndirirsiniz? Aysel: - Düşünürəm ki, bizim nömrə o qədər güzəl idi ki, Ermənistan əhalisi özünü saxlaya bilməyib və səs verməli olub. -Sizin şəxsi həyatınızla bağlı nə deyə bilərsiniz? Araş: - Mən nişanlıyam, gələn il toyumuz olacaq. Ola bilər ki, toyum Bakıda olsun. -Bəzi saytlarda Aysellə şəkilləriniz çıxdı. Sizi yaraşdıranlar da oldu. Bu məsələyə münasibətiniz necədir? Araş: - Mən Ayseli yaxşı dost kimi çox sevirəm. Bizim çox sıx dostluq əlaqələrimiz var. Musiqiyə dair zövqümüz eynidir. Yalnız bizim ikimizin sayəsində biz bu şounu ərsəyə gətirə bildik. Onun üçün mahnı yazmağı da planlaşdırıram. Onu Avropa ulduzuna çevirmək istəyirəm. - Bəziləri deyirdilər ki, Azərbaycan yer tutmayacaq... Aysel: - Onlar yəqin ki, indi üz sözlərindən utandılar. Çünki bizi dəstəkləmək əvəzinə bizim haqqımızda yaxşı sözlər demədilər. Buna görə də onlardan bir az incimişəm. - Bu qələbədən sonra Araş Azərbaycanda yaşamaq istəmir? Araş: -Bəzi yerlər var ki, onlar mənim ürəyimə zox yaxındır. Mən İranda anadan olmuşam. İsveçdə yaşamışam və Azərbaycan mənim ürəyimə çox yaxındır. - İsveçdən 8 bal aldıq, bu az deyildi? - Mən düşünürəm ki, münsiflər o qədər də yaxşı səs vermədilər. Amma insanlar çox səs vermişdi. Bu il səslər 50/50 hesablanırdı. İsveç insanları bizə 12 xal vemişdi. Amma münsiflər işləri korladı. İnsanlar bizim mahnımızı və bizim dueti çox sevdilər. -Bundan sonra yenidən bu müsabiqədə iştirak etmək istəyərdinizmi? Araş: - Ola bilsin ki, gələn il Aysel solo ifaçı kimi "Avroviziya"da iştirak etsin. Amma mən bundan sonra yalnız müəllif kimi iştirak edərdim". -Sizcə Aleksanr Rıbak birinci yerə layiq idimi? Araş: - Bəli, o, həqiqətən də çox yaxşı idi. Amma mən hesab edirəm ki, əgər o olmasaydə, biz birinci olacaqdıq. Aysel: - Amma biz əvvəldən də Norveçi özümüzə yeganə rəqib görürdük. - Bundan sonra necə pul qazanmaq istəyirsiniz? Aysel: - Ümumiyyətlə, Cenifer Lopes də toylara gedir. Amma mən albomlardan, konsertlərdən pul qazanmaq istəyirəm. İstəsəydim, çoxdan toy biznesinə gedərdim və populyar olardım. Amma mən bu yolu seçmədim. Ona görə də "Avroviziya"ya getdim. - Sizin milliyyətinizlə bağlı müxtəlif məlumatlar var... Araş: - Mənim əslim azərbaycanlıdır, amma mən İranda dünyaya gəlmişəm. Mən özümü azərbaycanlı hesab edirəm. Mənim atam azərbaycanlıdır, məhz elə buna görə də mən Azərbaycanı təmsil etdim.  Автор: IDRIS
Просмотров: (1099)
Комментариев: (0)
| |||||||||
| |||||||||
| |||||||||
